Luta ba KAPREZ, Ángela Gasta U$200 Mil

Prezidenti Partidu Traballista (PT), Maria Ángela Freitas fakar saugati osan U$200 Mill ital hodi luta atu sai Kandidatu Prezidenti (KAPREZ) períodu 2012-2017.

“Preprasaun ba kandidatura prezidenti ne’e ha’u konsege gasta osan hamutuk $200 Mill liu maibé la pasa tamba wainhira tama iha prosesu aprezentasaun kandidatura, Tribunál Rekursu la simu,” nia dehan ba Timor Post iha nia sede, Bairos dos Grilhos, Kuarta (22/2).

 Ángela esplika, osan rihun 200 ne’e nu'udár ninia osan privadu ne'ebé gasta ba atividade partidu no ba ekipa susesu hodi hala’o servisu ba distritu sira konsulta ho povu kona-ba ninia kandidatura.

“Osamentu kuaze 200 ital Mill dolares amerikanu maka ha'u gasta hodi organiza apoiantes sira hodi halo inkontru ba distritu no prepara materiál sira kuaze 300 ital mil ba kamizola, stiker, espaduk, slayer no seluk tan,” nia akresenta.

Ángela dehan, nia parte sei lori desizaun Tribunál Rekursu ba Tribunál Internasionál.

Sobu Edifisiu Traballista

Entretantu, sidadaun Timor-Leste ne’ebé deskoñesidu iha Segunda (20/2) mangrugada foin lalais ne’e sobu edifísiu Partidu Trabalista no na’ok dokumentu importante partidu no dokumentu Partidu Traballista ninian.

Akontesementu na’ok  ne’e hahú sobu uluk besi janela nian hodi selok aat tiha janela depois tama uma laran hodi foti maka dokumentus hanesan kartaun eleietoral kuaze 15 mil ne'ebé nia hato’o ba Tribunál.

Prezidenti Partidu Traballista, Ángela Freitas lamenta tebes ho atetude ema ne'ebé sobu sede hodi foti dokumentus importante ne’ebé rai nu'udár evidénsia atu lori nia kazu ba Tribunál Internasionál.

“Ha'u nia dokumentus importante barak maka ema naok ne'ebé akontese iha 4 matrugada,” nia haktuir.

Ángela hatutan, oras ne’e dadauk parte polísia investigasaun hala’o ona prosesu investigasaun hodi buka hatene autór ne'ebé sobu nia sede partidu no na’ok dokumenutus importante sira.