Partidu Frente-Mudansa (FM) prontu atu koliga ho
partidu Frente-Revolusionáriu Timor-Leste Independente (FRETILIN).
“Ami ne’e nakloke ba partidu sé de’it maka
hakarak halo koligasaun iha nível parlamentár hodi halo desizaun ba regulamentu
prinsipál ba ita nia dezenvolvimentu. Ami nakloke ba sé de’it mezmu FRETILIN ka
CNRT,” lideransa FM Cesar Moreira dehan ba Diariu
Timor Post iha sede kandidatura José Luís Guterres (JLG), Vila-Verde, Sesta
(17/2).
Maibé, nia hateten, prinsipál liu mak tenki iha
akordu ida ou plata forma nune’e bele lori vizaun dezenvolvimentu.
“Ita tenki iha plataforma atu iha vizaun ne’ebé
hanesan atu bele hamutuk hodi haree dezenvolvimentu ne’ebé ho objetivu ida,”
Cesar esplka.
Tuir Cesar katak, partidu Frente-Mudansa nakloke
aan ba partidu hotu atu bele hamutuk hodi lori povu sai husi ki’ak no mukit.
“Ami senti katak FM mós iha ninia forsa polítika,
mezmu primeiraves ami atu tuir eleisaun. Ami la senti ta’uk tamba ami iha forsa polítika hodi
hetan asentu iha parlamentu ne’ebé favorável,”
nia akresenta.
Entertantu, Francisco Guterres Lu-Olo iha National
Press Center (NPC), Dili, Kinta (16/2)
bainhira hatan pergunta husi partisipante programa Meet The Press rekoñese militante partidu Fretilin balun haksoit
sai tiha husi partidu Fretilin ba hairi fali partidu seluk.
“ Ne’e luar
biasa,” Lu-Olo esplika ba
jornaista sira kona-ba ‘insidente’ hasfoin Kongresu Nasionál Fretilin tinan 2006,
tinan 6 liuba. “ Sira (militante-red) la
uza naran Fretilin. Sira uza naran Frenti Mudansa. Rejistu ba Tribunal, prontu Tribunal Rekursu simu
sira hanesan partidu politika ida legal. Husik ba, ne’e partuidu ketak, ita
husik nia,” Lu-Olo dehan tan.
Tanbasá
mak la hamutuk de’it iha Fretilin? “
Ha’u tenta hakuak metin sira iha Fretilin. Maibé, sira la kohi nafatin. Sira
hakarak mudansa. Se nune’e, husik ba. Keta to’o iha fatin seluk la kohi tau tan
mudansa, hakarak tau fali travaun karik, ita haree de’it,” Lu-Olo ko’alia halo komik uitoan.
Tidak ada komentar:
Posting Komentar