Kamis, 16 Februari 2012

L7 no Manu-Bui Ko’alia Diferente

DÍLIPrezidenti Partidu Unidade Nasionál Demokrátika Rezisténsia Timorense (UNDERTIM), Cornelio Gama ‘L-7’ deklara katak UNDERTIM laiha kandidatura ba eleisaun prezidensiál.

“Ami pessoál bele kandidata ema seluk, maibé partidu maka la kandidata ema ida,” L7 dehan ba jornalista sira iha sede Partidu UNDERTIM, Because, Díli, foin lalais ne’e.

Xefe partidu ne’e informa lia hirak ne’e hafoin hasoru malu ho Konsellu Polítika Nasionál iha semana kotuk hodi deside no aprova programa polítika no planu partidu nian atu hametin estrutura hodi hasoru eleisaun Jerál 2012.

Maske nune’e, nia dehan, nu’udar veteranu, nia sei fó apoiu ba kandidatura Eis Majór Jenerál Taur Matan ruak.

Entretantu, Sekretáriu Jerál (SEKJER) UNDERTIM Francisco Guterres ‘Manu-Bui’ hateten kandidatura Partidu UNDERTIM ba Prezidenti Repúblika (PR) sei hein desizaun husi Konsellu Polítika Nasionál (CPN) ne’ebé sei hala’o reuniuan iha tinan 2012.

“Ami nia kandidatura ba prezidenti ne’e desizaun liu husi reuniaun Konsellu Polítika Nasionál iha fulan Janeiru tinan 2012,” nia esplika.

Tuir nia, iha reiuniaun konsellu polítika maka fó desizaun konjuntu katak la fó apoiu ba kandidatura ida, entaun partidu sei halo tuir, maski prezidenti partidu fó apoiu ba eis Majór Jenerál Taur.

“Ami partidu la fó apoiu bá kandidatura ida, maski Prezidenti Partidu Conelio (L-7) nu’udar veteranus fó apoiu bá nia maun Taur. Maibé, ami seidauk fó sai ami nia desizaun katak UNDERTIM apoiu kandidatu ida ne’e,” Manu-Bui tenik.

Tidak ada komentar:

Posting Komentar