FERTILIN-CNRT Konsidera PNTL Hamate Liberdade Imprensa
Unidade Polisia Tacks Force ne’ebé baku Jornalista Jornal Nasional Diário (JND), João da Silva, iha Kuarta (15/6) kalan, Deputadus iha Parlamentu Nasional husi bankada parlamentar FRETILIN ho CNRT konsidera Polisia Nasional Timor Leste (PNTL) liu-liu Unidade Polisia Tacks Force hamate liberdade inprensa iha Timor Leste, tamba hatudu atetude ne’ebé ladiak.
Deputadu husi bankada parlamentar Partidu Congresu Nasional Rekonstrusaun Timor Leste (CNRT) Aderito Hugo da Costa ho deputadu husi bankada Parlamentar Frente RevúlusionarioTimor Leste Independenti (FRETILIN), José Texeira ba Jornalista Jornal Nacional Diário iha Parlamentu Nasionál Kinta-Feira (16/6).
Iha akontesimentu Unidade Polisia Tacks Force ne’ebé baku Jornalista Jornalista Jornal Nacional Diário ne’e wainhira jornalista ne’e tenta atu hasai foto Unidade Polisia Tacks Force ne’ebé halo atuasaun hodi kaer joves sae motor la uza kapasete.
Tamba ne’e dputadu husi bankada FRETILIN, José Texeira hatete, jornalista koalia ne’e Tacks Force halo Atuasaun duni, tamba hatene jornalista hatene duni nune’e jornalista ne’e atu hasai retratu.
“Ha’u mós hetan informasaun katak, atuasaun ne’e halo atu hadaau kamera para jornalista ne’e labele hasai evidensia konaba sira nia (Polisia Tacks Force Red) hahalok. Ne’e hatudu ona atuasaun ne’ebé viola lei no konstituisaun no direitu liberdade imprensa iha ita nia rai,” hatete deputadu Texeira.
Nia dehan, se ida ne’e lahetan atuasaun seriu husi sira ne’ebé responsavel ba polisia liu-liu ba Sekretariu Estadu Seguransa ho Ministru Defeza i Seguransa nai rua ne’e.
Atuasaun ne’ebé Polisia halo ba Jornalista ne’e deputadu ne’e dehan, ne’e problema bo’ot tamba hatene ona depois de torturasaun joven ida iha Atauro, ne’ebé hetan filmazen no foto me’ebe hatudu.
“Ida ne’e la’os primeira ves ha’u rona katak polisia ameansa ema hasai foto. Ha’u dehan ba ema hotu hasai foto no filmazen ita lakohi rai ne’e sai ditadura.atuasaun ne’e sira presiza responbiliza no halo ivestigasaun,”dehan Texeira.
Nia salienta katak, PNTL sira iha direito , maibe ema sidadun mós iha direitu wainhira halo violasaun hasoru sidadaun ka joarnalista ne’ebé hasai foto deit.
“Sira mós iha sira nia direito maibe ita mós iha direitu atu koalia hasoru sira ne’ebé ita hare ne’e pleneamente violasaun ona. Iha ne’ebé mak iha rai ne’e hakerek lei ida dehan labele hasai retratu, la iha ita iha liberdade. Ne’e ita hare hahalok krime,”nia dehan.
Deputadu ne’e hatete, labele dehan atusaun ne’e oknum ona,tamba iha akontesimentu ne’eba iha komandante ka xefi pulutaun ne’ebé iha ne’eba.
“Ita labele dehan ne’e oknum, ha’u baruk ona rona oknum, ne’e la iha komandante iha ne’eba ka la iha komandante pulutaun iha ne’eba ka, ne’e iha. ida ne’e hatudu ona katak elementus iha polisia mós hahu ona halo atuasaun taka sira nia hahalok la diak viola lei,”katak Texeira.
Nia dehan, atuasaun saida deit kontra jornalista ne’ebé hamrik atu hasai retratu ne’e violasaun bo’ot ba konstituisaun i tenki investiga.
“Ha’u here atuasaun ne’e halo ha’u preokupadu ona katak iha duni atuasaun ne’ebé atu hasoru liberdade imprensa ninian. Ida ne’e presiza investiga kazu ne’e i ha’u hakarak sira responsabiliza ba atuasaun polisia sira iha kazu ne’e,” dehan deputadu FRETILIN.
Deputadu José Texeira hatete, nia parta hare iha situasaun uluk se la hetan filmazen, entaun bele taka ho koalia oin seluk, maibe hetan filmazen ne’e hatudu momos kata atuasaun ne’ebé bele dehan la simu husi atualidade polisias.
“Ita iha rai ne’e iha lei, la’os ditadura i polisia nia servisu la’os atu mantein lei no orden deit, maibe mantein lei no orden tuir lei, inforsa lei, labele hakat liu lei,” tenik nia.
Iha sorin seluk deputadu husi bankada parlamentar CNRT, Aderito Hugo da Costa hatete, nia parte triste mak asaun halo ne’e asaun tuir lolos polisia mantein lei no orden. se ema halo bele halo kapturasaun no prosesu, maibe la presiza baku.
ema baku ne’e violensia, santan autoridade ida ne’ebé atu mantein lei no orden, maibe nia mak sai fali violenti hanesan ne’e labele.
Tamba ne’e nia parte konta hahaklok Polisia tacks Force ne’ebé baku, tamba baku ema ne’e violensia i asaun ne’ebé Polisia halo ne’e hamate liberdade iha Timor Leste ne’e.
“Ha’u pesoalmente kontra teb-tebes asaun sira hanesan ne’e, tamba naran ida baku ema ne’e violensia satan halo husi sira ne’ebé tuir lolos sai exemplo ba ema seluk,”dehan deputadu Hugo.
Tuir deputadu ne’e katak, iha institusaun polisia iha ona regra, oinsa kestaun disiplinar hetan fatin iha prosesu nian.
“Instituisaun hanesan polisia no Forsa defeza lei hotu iha ona, ne’ebé qual-quer membru ne’ebé halo ona atuasaun bele iha prosesu tuir regras disiplinar ne’ebé preve iha instisuisaun PNTL nia laran,”dehan Hugo.
Tidak ada komentar:
Posting Komentar