João Cancio: “Ha’u Seidauk Iha Informasaun”
Programa eskola ba Mestrado (S2) ne’ebé loke iha área Parlamento Nasionál (PN) ne’ebé hetan koñesimento husi Prezidenti PN Fernando ‘La Sama’ de Araujo. Maibe Ministru Edukasaun (ME) João Cancio Freitas afirma katak, nia parte seidauk iha informasaun konaba programa Mestradu ne’e.
João Cancio Freitas ba Jornalista Jornal Nacional Diário wainhira hatan konaba koiñesimento husi Ministeriu Edukasaun, ba programa mestrado ne’ebé loke iha área Parlamento Nasionál, Tersa-Feira (15/6).
Maski programa eskola Mestradu (S2) ne’ebé hahu iha fulan Outubro 2009 ne’e loke iha área Parlamentu Nasional, ne’ebé oras ne’e estudante tama ona iha semester tolu (3).
Estudante ba programa mestradu ne’ebé loke iha parlamento ne’e husi funsionario parlamentu inklui mós deputadus sira i fatin ne’ebé uza hodi eskola parlamentu mak fasilita.
Aleide ne’e dosente sira ne’ebé mak hanorin husi nasaun Repúblika Indonesia, Australia, no Portugal.
Maibe Misteriu Edukasaun João Cancio, rasik sei dauk iha informasaun konaba programa mestara ne’e loke iha área parlamentu.
“Diak liu ha’u husu informasaun mak ha’u dehan. Ha’u seidauk iha informasaun,”. “Ha’u labele komenta buat ida, ha’u seidauk hatene,”dehan Ministru João Cancio.
Entertantu deputadu Partidu Demokratiku, Adriano do Nacimento hateten katak, inisiativa ne’ebé atu hasae kapasidade Timor-oan nian liu-liu ba ukun nain sira ne’e buat ida lasala.
“Buat ida edukasaun ne’e kustu karun teb-tebes, ha’u hanoin iha inisiativa ruma iha ne’e la sala ida,” dehan Adriano.
Tamba ne’e nia dehan, ema sira ne’ebé halo hela estudu mestradu nian ne’e grupo espesifiku ne’ebé iha parlamentu bolu legal drafter, ne’ebé mak sei ajuda deputadus sira hodi halo draf lei wainhira deputadu sira hakarak lei sira ne’e, sira mak sei halo lei ne’e.
“Ha’u hanoin grupo ne’e ba sira, maibe la’os ba ema mai husi liur mós eskola iha lae, ida ne’e espesifiku ba legal drafter parlementu ninian ne’ebé foin rekruta iha tinana liu ba.
Tidak ada komentar:
Posting Komentar