Bankada parlamentar partidu FRETILIN kontra Governu liu husi Sekretariu Estadu Obras Públiku ne’ebé aprezenta rezultadu Projetu Pakote Referendo iha Konseilho Ministru hodi fó sansaun ba Kompinha sanulu resin hitu (17), tamba Governu la hatudu kriteria no la halo tender, maibe fó deit ba kompaiña mak hala’o projetu refere.
“Ita halo sasan tuir dalan, halo tender no iha kriteria, entaun nia hatene se kriteria la to’o nia la avansa. Se fó deit la hare ba nia kriteria, entaun ita atu aplika sansaun ita tenki sukat, sala ne’e Governu labele fase liman, sala ne’e la’os emprezariu mesak,” hatete deputadu Joaquim Amaral ba Jornalista Jornal Nacionál Diário iha Parlamentu Nasionál Kinta-Feira (17/6).
Tuir deputadu Joqium katak, rezultadu husi programa ne’ebé la iha planeiamento, tamba ne’e nia konsidera la justu kuandu fó kedan black list ba kompaiña ne’ebé hala’o PPR la ho kualidade.
Nia hatuir, emprezariu halo obras la iha kualidade, mais kualidade produtu finan iha prosesu, tamba ne’e labele hare prosesu final, maibe hare uni proses, se prosesu la estrandar, la iha kualidade, entaun rezultadu mós ladiak.
“Projetu la iha kualidade ne’e reposabilidade primeiru Governu, segundu emprezario, kompainha black list, tamba Governu matan at fo projetu la liu husi kriteria, se estabele kriteria mak kompainha la halo tuir entaun kompainha bele simu black list,” dehan Joaquim.
Nia dehan, se Governu black list kompainha 17, entaun Governu mós matan at, tamba projetu fahe deit kompainha sira mak hala’o projetu rasik.
Projeru barak ne’ebé la iha kuaidade deputadu ne’e hatete, tamba orden politiku mak failha, nune’e Governu fó projetu la liu husi kriteria, no la prepara kriteria atu kompainha tuir.
“Agora kompainha barak ba hala’o servisu gamba la iha, entau sira tenta interpreta saidak nak tuir sira los, entaun pesoal tekniku Governu nia ba hare dehan la los,”dehan deputadu FRETILIN.
Nia salienta katak, kompainha ne’ebé hala’o projetu ho kualidade la diak Governu tenki responsabiliza labele fo todan ba emprezariu deit.
“Prosesu ne’e tomak ikus mai todan labele taun deit ba emprezariu governu mós tenki iha responsabilidade, tamba objetivu pakote referendum ne’e sira dehan atu hakbi’it emprezariu sira katak governu labele fase liman atu fó sala deit ba kompainha,”tenik Joaqium.
Iha sorin seluk prezidenti komisaun G ne’ebé trata asuntu Infra-Estrutura i Ekipamentus Sosial, Pedro da Costa Martires hatete, Informasaun ne’ebé komisaun simu husi SEOP katak kompainha ne’ebé hala’o Projeto Pakote Referendum ho kualidade ladiak sira sei fó sansaun ba emprezariu sira ne’e, maibe ate agora sasaun saida mak atu fo ba kompainha komisaun deidauk hare.
“Ami nia rekomendasaun ba ministriu mak kompainha sira ne’ebé servisu la diak Estadu lalika fó projetu ba sira, tamba emprezariu iha Timor Leste barak mak la iha ekipamentus ne’ebé mak sira ne’e presiza hadia sira nia kapasidade gestaun atu nune’e fó projetu ba sira hein servisu,” katak Pedro.
Tidak ada komentar:
Posting Komentar